Galería de imaxes da Conferencia
¡Xa podes acceder á galería para ver todas as fotografías da Conferencia!
A 10ª Conferencia Internacional de Decrecemento e a 15ª Conferencia da Sociedade Europea de Economía Ecolóxica (ESEE) terán lugar na cidade de Pontevedra (Galicia [España]) do 18 ao 21 de xuño de 2024. Esta conferencia conxunta desenvolverase no marco das actividades "Pontevedra ESEE-Degrowth 2024", convertendo a Pontevedra na capital europea do decrecemento en 2024.
O evento, titulado “Ciencia, tecnoloxía e innovación máis aló do crecemento: cultivando a creatividade colectiva para un futuro sostible”, contará con dous tipos de actividades:
- A Conferencia principal terá lugar do 18 ao 21 de xuño de 2024 e abarcará unha ampla gama de sesións, incluídos relatorios académicos, paneis de expertos e talleres artísticos. Cunha participación de máis de 1200 asistentes, entre persoas académicas e activistas, nesta conferencia preténdese reunir unha gran variedade de perspectivas e coñecementos internacionais sobre economía ecolóxica e decrecemento.
- A participación cidadá e as iniciativas orientadas á cidadanía (Máis aló da Conferencia), desenvolveranse ao longo do ano e durante os días da conferencia, nos que haberá actividades especiais en diversos lugares da cidade. Estas actividades estarán abertas ao público e abarcarán a realización de talleres, debates, exposicións e concursos, ofrecendo oportunidades para a implicación e a participación activas.
O evento está organizado ao redor dos principios do decrecemento, cun firme enfoque na mellora do benestar humano e ambiental, fomentando a cooperación, a democracia, a inclusión, a transparencia e a solidariedade. O Comité Organizador quere facer unha cordial invitación a todas as persoas para que se unan a nós na acolledora cidade de Pontevedra.
Mantente en contacto connosco e recibe as novidades a través do noso sitio web e seguíndonos nas redes sociais, onde atoparás a información e as novas máis recentes.