As Brigadas Deseucaliptizadoras son un movemento de base que traballa contra a invasión de eucaliptos, acacias e outras especies exóticas no monte galego. Aproximadamente unha vez ao mes, unha comunidade local (por exemplo, unha comunidade de veciños, unha Communidade de montes, unha ONG) organiza unha roga (ou sesión de traballo) xunto coas Brigadas Deseucaliptizadoras, convocando ás moitas persoas brigadistas que viven en toda Galicia para que veñan traballar no monte xunto coas comunidades locais. Despois da roga, segue o albaroque, que se traduce libremente como "festa", e a comunidade de voluntariado reúnese para comer, beber e gozar de actividades como música, charlas ou paseos polo monte.
O sábado 22 de xuño, convidamos ás persoas participantes da Conferencia sobre Decrecemento a contribuír á eliminación de especies exóticas invasoras nos montes comunais galegos e a experimentar de primeira man como as comunidades locais levan a cabo a erradicación de especies invasoras. ¡Quizais isto poida ser a semente dun movemento aínda maior! Organizaremos o transporte de ida e volta desde Pontevedra, ademais da comida, as bebidas e as actividades da tarde. O programa do día é o seguinte:
- 9:30: saída de Pontevedra en autobús
- 10:15: chegada a Campo Maneiro (Taragoña, Rianxo), benvida
- 10:30-14:00: traballo no monte erradicando acacias
- 14:00-16:00: comida e bebida a cargo de Montescola e comunidade de montes de O Fieitoso
- 16:00-18:00: visita ao Monte Fieitoso: pastoreo regenerativo con cabras, colmeas de abellas e proxecto de granxa escolar
- 18:00-18:45: regreso a Pontevedra
É importante encher esta folla de inscrición - lien externe para que podamos preparar o material, transporte e comida axeitados. O grupo Post-GrowthInnovation Lab - lien externe correrá cos gastos de transporte, o material proporciónano as Brigadas Deseucaliptizadoras, e Montescola e a Communidade de Montes de Fieitoso proporcionarán comida e bebida. Recoméndase ás persoas participantes que leven roupa cómoda para traballar no monte, auga, gorra e proteción solar.
Finalmente, para confirmar a asistencia pedimos unha doazón de 5€ para a ONG Montescola (IBAN: ES84 3070 0035 2562 2331 7725) indicando no concepto da transferencia o teu nome completo e apelido(s). Se vives en España e indicas o teu DNI/NIE tamén no concepto, esta doazón é deducible.
Para preguntas ou solicitar máis información pódese contactar con noortjemarie.keurhorst@uvigo.gal.