O albúm "Botánica" de Abe Rábade está integrado por 14 composicións orixinais dedicadas á vexetación autóctona de Galicia e forman un campo de visión aberto ao mundo que fusiona o rural co urbano. A escritura musical e o piano de Abe Rábade atópanse coa voz e a percusión tradicional galega dun dos valores máis prestixiosos da actualidade: Davide Salvado.
Daniel Juárez ao saxo tenor, Virxilio da Silva á guitarra, Ton Risco ao vibráfono, Jimena Andión ao violoncelo, Pablo Martín Caminero ao contrabaixo e Naíma Acuña á batería completan un colectivo artístico heteroxéneo, baseado na integración da estética musical e a exploración libre de prexuízos.