Festival de peche da Conferencia

Logo dunha intensa semana de actividade, pecharemos a Conferencia Internacional ESEE-Decrecemento 2024 cun fantástico evento no que teremos música en directo, postos de comida e bebida e unha gran queimada, bebida característica de Galicia que se fai queimando augardente e azucre ata que se consome gran parte do alcohol, á que se lle poden engadir outros ingredientes, como grans de café, anacos de froita etc. A preparación desta brebaxe acompañarase da lectura do seu característico conxuro para escorrentar aos malos espíritos.