A Primavera do Decrecemento é un ciclo de charlas e obradoiros dirixidas á cidadanía organizado no marco da Conferencia ESEE-Decrecemento 2024 - lien externe, que se celebrará durante os meses de abril, maio e xuño na cidade de Pontevedra. Está promovido polo grupo Post-Growth Innovation Lab - lien externe co apoio da Universidade de Vigo - lien externe e o Concello de Pontevedra - lien externe, e conta coa colaboración e participación de diferentes persoas e organizacións galegas e nacionais.
Organizarase unha actividade cada semana na que se falará e debaterá, dende o prisma do poscrecemento/decrecemento, sobre diferentes temas de interese social coma o traballo, a vivenda, o sistema bancario ou o ecoloxismo.
Os eventos terán lugar en distintos emprazamentos do centro da cidade, e a entrada será de balde ata completar o aforo.