Xa está dispoñible a páxina web ESEE-Decrecemento Pontevedra 2024. Neste espazo poderase atopar toda a información sobre as actividades que terán lugar o vindeiro ano no marco deste evento, e que serán de dous tipos:
- Por unha parte, as actividades académicas que se van organizar entre o 18 e o 21 de xuño de 2024 con motivo da celebración conxunta da 10ª Conferencia Internacional de Decrecemento e a 15ª Conferencia da Sociedade Europea de Economía Ecolóxica (ESEE).
- Por outra banda, as iniciativas sobre decrecemento e economía ecolóxica orientadas á cidadanía que terán lugar ao longo de todo o vindeiro ano e, de maneira máis específica, durante os días da Conferencia.
Esta é unha plataforma viva, na que iremos actualizando a información sobre todas estas actividades e onde poderedes atopar contidos relevantes coma as instruccións para o envío de comunicacións, avisos de apertura e peche dos prazos de inscrición, o acceso ao portal de envío de resumos e de rexistro, o programa da conferencia e o programa das actividades extra-académicas, e moitos outros. Pronto poremos tamén á vosa disposición as nosas redes sociais para que non perdades detalle.
¡Agardámoste en Pontevedra en 2024!